Mkurugenzi wa Mawasiliano ya Rais, Ikulu, Bw. Bakari Machumu akizungumza na Waandishi wa Habari, Ikulu Jijini Dar es Salaam tarehe 16 Februari, 2026 kuhusu Ziara za Kikazi za Rais wa Jamhuri ya Muungano wa Tanzania, Mhe. Dkt. Samia Suluhu Hassan, alizofanya Jijini Addis Ababa nchini Ethiopia tarehe 12-15 Februari, 2026 pamoja na Dubai, Umoja wa Falme za Kiarabu (UAE) tarehe 2-6 Februari, 2026.
………..
Na John Bukuku – Dar es Salaam
Mkurugenzi wa Mawasiliano ya Rais Ikulu, Bw. Bakari Machumu, amesema kuwa Ofisi ya Mawasiliano Ikulu itaendelea kushirikiana na Jukwaa la Wahariri Tanzania katika kuimarisha mawasiliano na kujenga uwezo wa kitaaluma kwenye maeneo ya kimkakati yanayohusu masuala ya kitaifa na kimataifa.
Ameyasema hayo Februari 16, 2026 wakati akizungumza katika ukumbi wa Ikulu jijini Dar es Salaam kuhusu ziara ya kikazi ya Rais wa Jamhuri ya Muungano wa Tanzania nchini Ethiopia na Jamhuri ya Falme za Kiarabu (UAE)
Aidha, amebainisha kuwa ushirikiano huo unalenga kuhakikisha wahariri wanakuwa na uelewa mpana wa taarifa wanazozipokea na kuzichakata ili ziweze kufikishwa kwa umma kwa usahihi na weledi.
Amesema kuwa jukumu la wahariri ni muhimu katika mchakato wa uwasilishaji wa taarifa kwani linahitaji uelewa wa kina wa kile kinachowasilishwa kabla ya kukifikisha kwa jamii.
Aidha, amebainisha kuwa mawasiliano ya karibu kati ya Ofisi ya Mawasiliano Ikulu na Jukwaa la Wahariri yataongeza ubora wa taarifa zinazotolewa hasa katika kipindi cha ziara za viongozi wa kitaifa nje ya nchi.
Amesema kuwa mchango wa wahariri ni sehemu ya utekelezaji wa mikakati ya mawasiliano ya Serikali ambayo inalenga kujenga taswira chanya na kuimarisha uelewa wa masuala ya maendeleo.
Aidha, amebainisha kuwa mikutano ya majadiliano inayowahusisha wahariri si ya utoaji wa taarifa pekee bali ni jukwaa la kuanza utekelezaji wa mawazo na mapendekezo yanayolenga kuboresha sekta ya habari.
Amesema kuwa ajenda ya kujenga diplomasia ya uwekezaji inahitaji ushiriki wa karibu wa vyombo vya habari kupitia wahariri wao ili taarifa sahihi ziweze kuwafikia wananchi na wadau wa maendeleo.
Aidha, amebainisha kuwa ziara za viongozi wa kitaifa zinapofanyika nje ya nchi huweka msingi wa fursa mpya ambazo zinahitaji ufuatiliaji na uchambuzi wa kitaaluma kutoka kwa wahariri.
Amesema kuwa ni wajibu wa wahariri kutumia fursa hizo katika kuelimisha umma na kuhakikisha jamii inapata taarifa zenye manufaa kwa maendeleo ya taifa.
Aidha, amebainisha kuwa Jukwaa la Wahariri lina nafasi muhimu katika kuimarisha mawasiliano ya umma kwa kushirikiana na taasisi za Serikali ili kuongeza uwazi, uelewa na ubora wa taarifa zinazotolewa kwa jamii. 
