Jenerali wa ngazi ya juu kutoka jeshi la Sudan
amefutilia mbali mapatano ya mwezi mtukufu wa Kiislamu wa Ramadhani isipokuwa
kama kundi la wanamgambo linalopambana nalo litaachia maeneo ya kiraia na ya
umma.
Kauli ya Yasser al-Atta, naibu kamanda wa jeshi,
inakuja baada ya jeshi kudai kusonga mbele katika eneo la Omdurman, sehemu ya
mji mkuu, na rufaa ya Baraza la Usalama la Umoja wa Mataifa kwa ajili ya
kusitishwa mapigano katika mwezi wa Ramadhani, ambayo inaanza wiki hii.
Taarifa ya Atta, iliyotolewa kwenye mawasiliano rasmi
ya jeshi ya Telegram siku ya Jumapili na kulingana na maoni aliyotoa siku
iliyotangulia katika jimbo la Kassala ilisema hakuwezi kuwa na usitishaji vita
wa Ramadhani isipokuwa RSF itazingatia ahadi iliyotolewa Mei iliyopita katika
mazungumzo ya Saudi na upatanishi wa Marekani huko Jeddah ya kujiondoa katika
makazi ya raia na vituo vya umma.
"Kuna wale wanaozungumza kuhusu mapatano ya
mwezi wa Ramadhani. Hakuna suluhu kwa amri ya jeshi na wananchi," Atta
alisema katika hotuba yake ya Kassala kwa wahitimu wa jeshi.
Mwaka mzima wa vita Sudan
Pia ilisema lazima Mohamed Hamdan Dagalo, kiongozi wa
RSF anayejulikana kama Hemedti, aondolewe bila kupewa jukumu lolote yeye au
familia yake, katika siasa za baadaye za Sudan au kijeshi.
Vita kati ya jeshi la Sudan na RSF vilizuka katikati
ya Aprili 2023 huku kukiwa na mvutano kuhusu mpango wa mpito kwa utawala wa
kiraia. Pande hizo mbili zilifanya mapinduzi mwaka wa 2021 ambayo yalizuia
mabadiliko ya awali kufuatia kupinduliwa kwa kiongozi wa zamani wa kiimla Omar
al-Bashir mwaka wa 2019.
Jeshi limekuwa nyuma kwa sehemu kubwa ya mzozo huo,
ambao umeharibu maeneo mengi ya mji mkuu, na kusababisha mauaji yanayochochewa
na maadili huko Darfur, na kusababisha mzozo mkubwa zaidi wa watu kuhama
makazi.
RSF iliteka sehemu kubwa za mji mkuu katika siku za
kwanza za mapigano.Hata hivyo, hivi karibuni jeshi limepata mafanikio katika
Omdurman, ambayo pamoja na Khartoum na Bahri wanaunda mji mkuu uliogawanywa na
Mto Nile.
Juhudi za kimataifa zaambulia patupu
RSF ilisema katika taarifa siku ya Jumapili kwamba
jeshi limekataa ombi lake la kuwakabidhi wafungwa 537 wa vita chini ya ulinzi
wake.
"Uongozi wa SAF (Vikosi vya Wanajeshi vya Sudan)
ulikataa kukubali pendekezo letu la kuwarejesha wafanyakazi wao kama ishara ya
nia njema wakati wa Ramadhani, pamoja na mipango yetu ya awali ya upande mmoja
tangu mgogoro wa sasa uanze," RSF ilisema.
Majaribio kadhaa ya kimataifa ya kusitisha mapigano
yameshindwa.
Umoja wa Mataifa unasema karibu watu milioni 25 -
nusu ya wakazi wa Sudan - wanahitaji msaada, wengine milioni 8 wamekimbia
makazi yao na njaa inaongezeka. Washington inazituhumu pande zote mbili
zinazopigana kwa kufanya uhalifu wa kivita.
Katibu Mkuu wa Umoja wa Mataifa Antonio Guterres pia
ametoa wito wiki hii kwa ajili ya kusitisha mapigano katik amwezi wa Ramadhani.
Kikosi cha Msaada wa Haraka (RSF) kilisema kilikaribisha wito wa kusitisha mapigano.
