NAIBU WAZIRI KIKWETE : TUTASHIRIKIANA KATIKA KUBORESHA OFISI YA NYARAKA ZANZIBAR
Naibu Waziri Ofisi ya Rais, Menejimenti ya Utumishi wa Umma na Utawala Bora Mhe. Ridhiwani Kikwete akizungumza Wajumbe wa Kamati ya Kusimamia Ofisi za Viongozi Wakuu wa Kitaifa ya Baraza la Wawakilishi Zanzibar waliofanya zaira leo katika Ofisi ya Rais, Idara ya Kumbukumbu na Nyaraka za Taifa, Kanda ya Mashariki Jijini Dar es Salaam kwa lengo la kujifunza na kubadilishana uzoefu wa namna ya kutunza na kuhifadhi nyaraka na kumbukumbu. Mwenyekiti wa Kamati ya Kusimamia Ofisi za Viongozi Wakuu wa Kitaifa ya Baraza la Wawakilishi Zanzibar, Mhe. Machano Said akizungumza na Wajumbe wa Kamati hiyo ya Baraza la Wawakilishi Zanzibar waliofanya ziara mara baada ya Naibu Waziri Ofisi ya Rais, Menejimenti ya Utumishi wa Umma na Utawala Bora Mhe. Ridhiwani Kikwete kuwakaribisha katika Ofisi ya Rais, Idara ya Kumkbukumbu na Nyaraka za Taifa, Kanda ya Mashariki Jijini Dar es Salaam kwa lengo la kujifunza na kubadilishana uzoefu wa namna ya kutunza na kuhifadhi nyaraka na kumbukumbuWajumbe wa Kamati ya Kusimamia Ofisi za Viongozi Wakuu wa Kitaifa ya Baraza la Wawakilishi Zanzibar wakimsikiliza Mkurugenzi wa Vituo vya Kumbukumbu, Gasper Kileo wakati akiwaonesha baadhi ya Nyaraka na Kumbukuku muhimu zinazopatikana katika Ofisi hiyo leo wakati walipotembelea Ofisi ya Rais, Idara ya Kumbukumbu na Nyaraka za Taifa, Kanda ya Mashariki Jijini Dar es Salaam kwa lengo la kujifunza na kubadilishana uzoefu wa namna ya kutunza na kuhifadhi nyaraka na kumbukumbu.
Mwenyekiti wa Kamati ya Kusimamia Ofisi za Viongozi Wakuu wa Kitaifa ya Baraza la Wawakilishi Zanzibar, Mhe. Machano Said akiwa kwenye picha na baadhi ya wajumbe wa timu ya menejimenti ya Ofisi ya Rais, Idara ya Kumbukumbu na Nyaraka za Taifa pamoja na Wajumbe wa Kamati hiyo ya Baraza la Wawakilishi Zanzibar mara baada ya kufanya ziara katika Idara ya Kumbukumbu na Nyaraka za Taifa, Kanda ya Mashariki Jijini Dar es Salaam kwa lengo la kujifunza na kubadilishana uzoefu wa namna ya kutunza na kuhifadhi nyaraka na kumbukumbu, wa pili kulia ni Naibu Waziri Ofisi ya Rais, Menejimenti ya Utumishi wa Umma na Utawala Bora Mhe. Ridhiwani Kikwete
Naibu Waziri wa Nchi, Ofisi ya Rais Menejimenti ya Utumishi wa Umma na Utawala Bora Mhe. Ridhiwani Kikwete akiwaonesha baadhi ya Wajumbe wa Kamati ya Kusimamia Ofisi za Viongozi Wakuu wa Kitaifa ya Baraza la Wawakilishi Zanzibar baadhi ya hotuba ya Baba wa Taifa Mwl. Julius Kambarage Nyerere aliyoitoa wakati wa harakati za kudai uhuru wa Tanganyika wakati Wajumbe walipofanya ziara leo ya kutembelea Ofisi ya Rais, Idara ya Kumbukumbu na Nyaraka za Taifa, Kanda ya Mashariki Jijini Dar es Salaam kwa lengo la kujifunza na kubadilishana uzoefu wa namna ya kutunza na kuhifadhi nyaraka na kumbukumbu,
Na. Lusungu Helela- Dar es Salaam
Naibu Waziri Ofisi ya Rais, Menejimenti ya Utumishi wa Umma na Utawala Bora Mhe.Ridhiwani Kikwete amewahakikishia Wajumbe wa Kamati ya Kusimamia Ofisi za Viongozi Wakuu wa Kitaifa ya Baraza la Wawakilishi Zanzibar kuwa Idara ya Kumbukumbu na Nyaraka za Taifa ipo tayari kushirikiana na Ofisi ya Nyaraka Zanzibar ili kuhakikisha Ofisi hiyo inaboreshwa kwa maslahi mapana ya pande zote mbili za Muungano.
Mhe. Kikwete ametoa kauli hiyo leo Jumatatu Desemba 13, 2023 wakati akizungumza na Wajumbe wa Kamati hiyo mara baada ya kutembelea Ofisi ya Rais, Idara ya Kumbukumbu na Nyaraka za Taifa, Kanda ya Mashariki iliyopo Jijini Dar es Salaam kwa lengo la kujifunza na kubadilishana uzoefu wa namna ya kutunza na kuhifadhi nyaraka na kumbukumbu za Taifa.
Mhe. Kikwete amesema Taifa lolote lisilo na Kumbukumbu ni Taifa lililokosa mwelekeo kwani halijui limetoka wapi na linaelekea wapi.
Kufuatia umuhimu huo, Mhe, Kikwete ameiahidi Kamati hiyo kuwa Idara ya Kumbukumbu na Nyaraka za Taifa itatoa ushirikiano wa kutosha ili kuhakikisha kumbukumbu na Nyaraka za Viongozi Wakuu wa Zanzibar zinatunzwa na kuhifadhiwa kwa maslahi mapana ya Taifa.
‘’ Tupo tayari kushirikiana nanyi ili kuhakikisha kumbukumbu na nyaraka za Waasisi wa Taifa letu zinalindwa na kuhifadhiwa kwa ajili ya kutusaidia kufanya maamuzi yenye muelekeo wenye maslahi kwa ajili ya kizazi cha sasa na cha baadaye’’ amesisitiza Mhe. Kikwete.
Kwa upande wake Waziri wa Nchi Ofisi ya Rais Ikulu, Jamal Kassim Ali ameitaka ofisi ya Rais Idara ya Kumbukumbu na Nyaraka kuunga mkono jitihada mbalimbali ili kuhakikisha kuwa Ofisi ya Nyaraka Zanzibar inaboreshwa.
Amesema kuwa ushirikiano kati ya Idara ya kumbukumbu na Nyaraka na Ofisi yanyaraka Zanzibar utasaidia sana kuratibu na kutunza nyaraka na kumbukumbu za taifa kwa ajili ya kizazi cha sasa na urithi wa vizazi vya baadae.
“Ofisi yetu bado ni changa, na hivi karibuni tunatarajia kuanza mchakato wa kutunza kumbukumbu za viongozi wa juu hasa waasisi wa Taifa, tunapoelekea kutimiza miaka 60 ya mapinduzi tunatarajia kuwa na namna ya utunzaji wa kumbukumbu za Rais Hayati Abeid Aman Karume, hivyo tunaomba ushirikiano wenu wa hali na mali”.
Aidha, ameitaka Idara ya Kumbukumbu na Nyaraka na Ofisi ya nyaraka Zanzibar kuhakikisha kuwa zinaweka mikakati ya kuhamasisha na kuuelewesha Umma umuhimu wa ofisi hizi ili kuzipa thamani inayoendana na kazi wanazofanya.
Naye Mwenyekiti wa Baraza la Wawakilishi Zanzibar Mheshimiwa Machano Othman Said amesema kuwa utunzaji wa kumbukumbu na nyaraka za taifa ni shughuli muhimu sana katika maendeleo ya nchi.
Mhe. Machano ameitaka Idara ya kumbukumbu kuendeleza ushirikiano na Ofisi ya Nyaraka Zanzibar katika maeneo ya elimu, vifaa pamoja na masuala ya kiutendaji na teknolojia.
