PICHA: SAMATTA ALIVYOFUNGA MITAA YA JIJI LA DAR

Mbwana Samatta ambaye ni mshindi wa tuzo ya mwanasoka bora wa Afrika kwa wachezaji wanaocheza Afrika, leo amefunga mitaa mbalimbali ya jiji la Dar es Salaam ambapo amezunguka kwenye mitaa ya jiji hilo kuwapelekea tuzo hiyo wakazi wa Dar es Salaam wakati akielekea kwenye viwanja vya Escape One ambako inafanyika tafrija ya kumpongeza Samatta.
Safari ya Mbwana Samatta kuelekea kwenye viwanja vya Escape One ilianzia mtaa wa Samora, Clock Tower, Mnazi mmoja, barabara ya Uhuru, Kamata hadi Karume.
Kisha msafara huo ukaingia barabara ya Kawawa kuanzia ofisi ya Mkuu wa Mkoa wa Dar es Salaam, Kigogo, Magomeni Usalama, Kinondoni hadi Morocco na kuifuata barabara ya Ally Hassan Mwinyi kupitia Victoria, Makumbusho, Sayansi, Bamaga hadi Mwenge.
Msafara huo ukazungukia Kawe, Lugalo, Mlalakuwa, na kumalizikia Escape One ambapo watu mbalimbali pamoja na mashabiki watapata fursa ya kupiga picha na shujaa huyo wa Tanzania.

Samatta pamoja na viongozi wa Wizara yenye dhamana ya michezo wakiwa kwenye picha ya pamoja

Samatta akiwa kwenye mkutano na waandishi wa habari kushoto ni Waziri wa Habari, Utamaduni, Wasanii na Michezo Mh. Nape Nnauye

Mh. Nape Nnauye akiwa mwenye furaha muda wote

Shabiki naye akaamua kutoa zawadi yake ya puto kwa Samatta yote ikiwa ni katika ku-show love

Samatta akicheza na puto ambalo alipewa na moja ya mamia ya mshabiki

Asikwambie mtu, bodaboda walisimamisha huduma ya usafiri wakahamia kwenye msafara wa Samatta na hapa wao ndiyo wanaongoza safari wakiwa mbele kabisa

Ilipobidi kuwapa tano washkaji jamaa hakuacha kufanya hivyo na hii inaashisi ni kiasi gani alivyokuwa mtu wa watu

Samatta akipunga mkono kuwasalimia mashabiki waliojitokeza kumlaki alipopita mitaani

Samatta akiwa ameishikilia tuzo yake vizuri kutoa nafasi kwa waandishi kupiga picha za kumbukumbu

Waziri wa Habari, Utamaduni, Wasanii na Michezo Mh. Nape Nnauye Sambamba na Shujaa wa kweli wakiwa kwenye gari la kweli wakipita mitaani kuwaonesha watanzania tuzo aliyoshinda Samatta

Shaffih Dauda akisalimiana na makamu Mwenyekiti wa Simba Geofrey Nyange ‘Kaburu’ kwenye sherehe za kupongeza Samatta kwenye viwanja vya Escape One

Samatta na Kaburu katika picha ya pamoja wakiwa wameshika tuzo

Samatta akisalimiana na makamu Mwenyekiti wa Simba Geofrey Nyange ‘Kaburu’ aliyesafiri kutoka Zanzibar yanakofanyika mashindano ya Mapinzuzi ambapo Simba imeingia nusu fainali akarejea Dar kumpongeza Samatta ambaye alijiunga na TP Mazembe akitokea Simba SC

Viongozi wa Serikali wakifurahi pamoja na Samatta lakini akiwepo pia mchezaji mwenzake wa klabu ya TP Mazembe Thomas Ulimwengu pamoja na katibu mkuu wa TFF Celestne Mwesigwa

Waziri wa wa Habari, Utamaduni, Wasanii na Michezo Mh. Nape Nnauye pamoja na Mh. January Makamba Waziri wa Wizara ya Ofisi ya Makamu wa Raisi, Muungano na Mazingira

Samatta pamoja na Dauda wakiteta jambo

Mashabiki waliojitokeza kwenye party ya kumpongeza Samatta viwanja vya Escape One wakimlaki shujaa wao Mbwana Samatta