TAARIFA YA JESHI LA POLISI MKOA WA MBEYA KWA VYOMBO VYA HABARI

MTU MMOJA AFARIKI DUNIA NA WENGINE KUJERUHIWA KATIKA AJALI ILIYOHUSISHA MAGARI MATATU KUGONGANA WILAYANI MOMBA.
 MTEMBEA KWA MIGUU AFARIKI DUNIA BAADA YA KUGONGWA NA GARI.

 JESHI LA POLISI MKOA WA MBEYA LINAMSHIKILIA MTU MMOJA MKAZI WA MIKOROSHINI WILAYA YA KYELA AKIWA NA POMBE MOSHI [GONGO].

KATIKA TUKIO LA KWANZA:

MTEMBEA KWA MIGUU AITWAYE IDDY SIMON @ MWAMKINGA [28] MKAZI WA TUNDUMA ALIFARIKI DUNIA BAADA YA GARI YENYE NAMBA ZA T.961 AYY/T.339 BKA AINA YA SCANIA IKIENDESHWA NA DEREVA ASIYEFAHAMIKA KULIGONGA GARI YENYE NAMBA ZA T.850 BER AINA YA MITSUBISHI CANTER NA KISHA KUGONGANA USO KWA USO NA GARI YENYE NAMBA ZA T.944 BAF AINA YA TOYOTA COASTER ILIYOKUWA IKIENDESHWA NA DEREVA BENJAMIN MTEGWA [45] MKAZI WA SINDE.

TUKIO HILO LIMETOKEA MNAMO TAREHE 17.12.2015 MAJIRA YA SAA 07:00 ASUBUHI HUKO ENEO LA MAPOROMOKO, KATA NA TARAFA YA TUNDUMA, WILAYA YA MOMBA, MKOA WA MBEYA KATIKA BARABARA KUU YA MBEYA/TUNDUMA.

AIDHA KATIKA AJALI HIYO, ABIRIA NANE WALIOKUWA KWENYE GARI YENYE NAMBA ZA USAJILI T.944 BAF AINA YA TOYOTA COASTER WALIJERUHIWA NA WAMELAZWA KATIKA KITUO CHA AFYA TUNDUMA KWA MATIBABU.

CHANZO CHA AJALI NI UZEMBE WA DEREVA WA GARI YENYE NAMBA ZA T.961 AYY SCANIA KUTAKA KULIPITA GARI T.850 BER BILA KUCHUKUA TAHADHARI. MWILI WA MAREHEMU UMEHIFADHIWA KATIKA KITUO CHA AFYA TUNDUMA. DEREVA WA GARI YENYE NAMBA ZA T.961 AYY SCANIA ALIKIMBIA BAADA YA AJALI NA JUHUDI ZA KUMTAFUTA ZINAENDELEA.

KATIKA TUKIO LA PILI:

MTEMBEA KWA MIGUU ALIYEFAHAMIKA KWA JINA LA MARY JAIRI MWAIPOPO [58] MKAZI WA BUJINGA ALIFARIKI PAPO HAPO BAADA YA KUGONGWA NA GARI YENYE NAMBA ZA USAJILI T.951 CTZ AINA YA TOYOTA COASTER IKIENDESHWA NA DEREVA AGUSTINO RODRICK [29] MKAZI WA MBEYA.

TUKIO HILO LIMETOKEA MNAMO TAREHE 17.12.2015 MAJIRA YA SAA 06:30 ASUBUHI HUKO ENEO LA BUJINGA, KATA YA BUJINGA, TARAFA YA TUKUYU MJINI, WILAYA YA RUNGWE, MKOA WA MBEYA.

CHANZO CHA AJALI NI MWENDO KASI. MTUHUMIWA AMEKAMATWA. UPELELEZI UNAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO IKIWA NI PAMOJA NA KUZINGATIA/KUFUATA/KUHESHIMU SHERIA, ALAMA NA MICHORO YA USALAMA BARABARANI ILI KUEPUKA AJALI ZINAZOEPUKIKA.
KATIKA MISAKO, JESHI LA POLISI MKOA WA MBEYA LINAMSHIKILIA MTU MMOJA MKAZI WA MIKOROSHINI WILAYA YA KYELA AITWAYE BONIFACE AMBWENE [22] AKIWA NA POMBE YA MOSHI [GONGO] UJAZO WA LITA 12.

MTUHUMIWA ALIKAMATWA KATIKA MSAKO ULIOFANYIKA MNAMO TAREHE 17.12.2015 MAJIRA YA SAA 20:02 USIKU HUKO KATIKA ENEO LA MIKOROSHINI, KATA YA MIKOROSHINI, TARAFA YA UNYAKYUSA, WILAYA YA KYELA, MKOA WA MBEYA. MTUHUMIWA NI MUUZAJI WA POMBE HIYO, TARATIBU ZA KUMFIKISHA MAHAKAMANI ZINAENDELEA.

Imesainiwa na,
[AHMED Z. MSANGI – SACP]
KAMANDA WA POLISI MKOA WA MBEYA.